Formaðurin finnast í september

Konservativi flokkurin í Bretlandi fer ikki fyrr enn í september at kunngera, hvør tekur við sum formaður í flokkinum eftir Boris Johnson. 

Flokkurin hevur gjørt av, at nýggi formaðurin verður funnin 5. september, skrivar Reuters.

Higartil hava 11 limir í Konservativa flokkinum boðað frá, at tey vilja gerast formaður í flokkinum og samstundis nýggjur forsætisráðharri í Bretlandi.

Í morgin kunnu fólk halda seg framat og fyri at koma við í kappingina, mugu minst 20 stuðlar vera frá umboðum í Undirhúsinum.

Freistin fyri at stilla upp er eisini úti í morgin, sigur formaðurin fyri nevndina í flokkinum, sum skipar valið, Graham Brady.

Í morgin verður fyrsta atkvøðugreiðslan millum limirnar í Undirhúsinum. Og hósdagin verður aftur atkvøtt, men tá verður bert atkvøtt ímillum tvey teirra, sum fáa flest atkvøður í morgin.

Síðani verður úrslitið sent til uratkvøðu ímillum limirnar í Konservativa flokkinum, og í september verður úrslitið almannakunngjørt.