FC Suðuroy fær spælarar úr Ghana

Fótbóltsfelagið, FC Suðuroy, gongur nú nýggjar leiðir fyri at fáa fleiri nýggjar spælarar til felagið.

FC Suðuroy hevur í vár gjørt samstarv við fótbóltsakademi í Ghana, skrivar Suðurrás.

Felagið vil lyfta støðið á venjingunum, fyri á tann hátt eisini at kunna menna egnu leikararnar hjá FC Suðuroy.

Samstarvið við fótbóltsakademiið í Ghana er eisini ein greiður liður í ætlanini hjá FC Suðuroy at menna besta mansliðið. 

Tað verður gjørt fyri, at felagið aftur kann kappast í bestu føroysku deildini í fótbólti hjá monnum.

FC Suðuroy fær tveir nýggjar leikarar seinnu kappingarhálvuna í ár.

Ein spælari er komin til Vágs fyrr í summar, og ein annar kemur eisini til Vágs í næstum.