Bolsonaro stillar uppaftur

Forsetin í Brasil hevur nú boðað frá, at hann stillar uppaftur til valið, sum verður um góðar tveir mánaðir. 

Tað skrivar Reuters.

Jair Bolsonaro, forseti, lovaði eisini, at um brasilianar velja seg aftur til forseta, fer hann at halda fram við síni sosialu ætlan og geva øllum fátækum familjum ein kekk upp á 800 kr. um mánaðin.

Hann tosaði eisini um at hava gott samband við herin.

- Herurin er á okkara síðu, og har verður hvørki rotinskapur ella mutur góðtikin. Málið er at hava fullan opinleika, segði hann í eini røðu í Rio de Janeiro.

Jair Bolsonaro verður ofta nevndur "tropiski Trump," og hann tók við sum forseti í Brasil í 2018.