Olivia Newton-John fær almenna jarðarferð

Avstralski sangarin og sjónleikarin, Olivia Newton-John, fær almenna jarðarferð.

Tað váttar forsætisráðharrin í statinum, Victoria. Daniel Andrews.

Hann váttar eisini, at tey avvarðandi hava tikið av tilboðnum um, at staturin rindar fyri jarðarferðina.

Daniel Andrews sigur, at jarðarferðin í stóran mun verður ein konsert, og at ætlanin er at hátíðarhalda eitt stórtøkið lív.

Olivia Newton-John, sum gjørdist 73 ára gomul, fekk sítt stóra gjøgnumbrot í musical-filminum, “Grease”, í 1978.