Dátueftirlitið flytur inn á Skálafjørðin

Dátueftirlitið flytur inn á Skálafjørðin
Hølini í Havn hóska ikki til tørvin, sigur stjórin í Dátueftirlitinum
Nú verður farið at fyrireika flytingina av Dátueftirlitinum til eystara arm av Skálafjørðinum.
 
19.08.2022 - 14:37

Dátueftirlitið flytur nú inn á Skálafjørðin.

Tað boðar Løgmansskrivstovan frá í dag.

Bárður á Steig Nielsen, løgmaður, hevur gjørt av, at Dátueftirlitið í næstum skal flyta inn á eystara arm á Skálafjørðinum. Avgerðin hevur verið til ummælis hjá Dáturáðnum, sum tekur undir við avgerðini.

 

Tóri Højgaard er stjóri í Dátueftirlitinum.

 

Seks starvsfólk

Dátueftirlitið er óheftur fyrisitingarmyndugleiki og stovnur undir Løgmansskrivstovuni. Á Dátueftirlitinum starvast seks starvsfólk. Dátueftirlitið virkar sum skrivstova hjá Dáturáðnum, og hevur til uppgávu at hava eftirlit við og virka fyri, at dátuverndarlógin verður hildin. 

Tóri Højgaard, stjóri í Dátueftirlitinum, sigur, at tað er neyðugt at finna nýggj hóskandi høli, tí hølini í Sigmundargøtu í Havn hóska ikki til tørvin. Staðsetingin á eystara armi á Skálafjørðinum fer ikki at ávirka virksemið, sigur hann.

Nú verður farið undir at fyrireika flytingina og skipa fyri útboðið av møguligum hølum á Skálafjørðinum, skrivar Løgmansskrivstovan.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592