Grikkaland sleppur frá eftirliti

Eftir at ES í 12 ár hevur havt serligt eftirlit við búskaparligu gongdini í Grikkalandi, endar hetta eftirlitið nú.

Hesum boðar europeiska samveldið frá í dag.

Í november í 2009 vísti tað seg, at Grikkaland var so niðurundirkomið av vaksandi almennari skuld, at avleiðingin gjørdist ein fíggjarkreppa í øllum evru-umráðnum.

Grikkaland fekk tá ein bjargingarpakka upp á 2.150 milliardir krónur, men harðar treytir fylgdu við.

Afturfyri kravdu altjóða gjaldoyragrunnurin, ES og europeiski miðbankin, at fíggjarpolitiskt eftirlit skuldi havast við Grikkalandi, ið samstundis noyddist at seta umfatandi búskaparligar nýskipanir í verk.

Fótað sær aftur
Millum annað var talan um lønarlækkingar, skattahækkingar og privatiseringar, ið fingu grikska búskapin at minka niður í ein fjórðing, samstundis sum arbeiðsloysið fór upp á methøgu 28 prosent.

Griski forsætisráðharrin, Kyriakos Mitostakis, fegnast um, at tólv ár við “pínu, búskaparligum stígi og einum sindraðum samfelag” eru av.

– Vit hava nú stóran búskaparligan vøkstur og lækkandi arbeiðsloysi, sum er minkað trý prosentstig síðani í fjør og fimm prosentstig síðani í 2019, sigur Mitsotakis, ið fegnast um, at landið hevur fótað sær aftur.

- Vit hava nú stóran búskaparligan vøkstur og lækkandi arbeiðsloysi, sum er minkað trý prosentstig síðani í fjør og fimm prosentstig síðani í 2019, sigur Mitsotakis.