Nógv flýggja úr Venesuela

Í Evropa hoyra vit mest um nógvu flóttafólkini úr Ukraina, eftir at Russland gjørdi innrás í landið. Men í Venesuela eru tølini líka stór, upplýsir ST, sambært CNN.

Umleið 6,8 milliónir fólk eru flýdd úr Venesuela seinastu tíðina.

Tað er ein trupulleiki, tí Venesuela fær ikki eins nógva hjálp, sum Ukraina fær.

- Í ár hava fólk í Venesuela bert fingið 13 prosent av tí hjálpini, sum er neyðug, samstundis sum fólk í Ukraina hava fingið fimm ferðir so nógva hjálp, sigur Rachel Schmidtke, sum er talskvinna fyri Refugees Internatinal í Latínamerika.

Fólk flýggja úr Venesuela av versnandi búskaparligum viðurskiftum, tey fáa ov lítið av mati, og atgongdin til heilsuverkið er avmarkað.

Nógv rýma norðureftir, til Meksiko og USA.