![](https://www.uf.fo/sites/default/files/styles/myndasavn-width/public/20220904-134459-l-1920x1423we.jpg?itok=3n_rBHI-)
- Tíðindi, mentan og ítróttur
Bretland fær nýggjan forsætisráðharra í dag
![](https://kvf.fo/sites/default/files/styles/grein-ovasta-mynd/public/20220905-115037-l-1920x1281we.jpg?itok=eUSrM4D_)
Í dag verður avdúkað, hvør verður nýggjur bretskur forsætisráðharri, eftir Boris Johnson.
Millum 160.000 og 180.000 bretar eru limir í Konsetvativa flokkinum, og tað eru teir sum skulu gera av, hvør verður nýggjur formaður í flokkinum, og samstundis nýggjur forsætisráðharri.
Tað eru 42 ára gamli Rishi Sunak, sum hevur verið fíggjarmálaráðharri, og 47 ára gamla Liz Truss, sum er uttanríkisráðharri.
Meiningarkanningar peika á Liz Truss
Rishi Sunak tók seg aftur sum fíggjarmálaráðharri fyrr í summar, fyri at mótmæla politikkinum hjá Boris Johnson.
Upprunaliga vóru 11 um boðið at gerast forsætisráðharri, men tá avtornaði, kom kappingin at standa ímillum tey bæði.
Stór ósemja hevur verið í Konservativa flokkinum seinastu árini, og fyrsta uppgávan hjá nýggja formanninum verður at savna flokkin aftur, siga eygleiðarar.
Allar meiningakanningar, sum eru gjørdar, vísa, at Liz Truss verður nýggjur formaður í flokkinum og harvið forsætisráharri.