Pundið minkar nógv í virði

Eftir at bretski fíggjarmálaráðharrin, Kwasi Kwar-teng, fríggjadagin boðaði frá einum stórum skattalætta, er virðið á bretska pundinum fallið til tað lægsta higartil, skrivar tíðindastovan AFP. 

Í gjár boðaði fíggjarmálaráðharrin frá enn fleiri skattalættum til tey hægstløntu, og tað skundaði bara undir fallið av pundinum.

Ætlanin hjá bretsku stjórnini var annars at skunda undir íløguhugin kring alt landið og at útvega fleiri arbeiðspláss.

Mett verður, at virðið á pundinum fer at falla so nógv, at tað nærkast virðinum á amerikanska dollaranum.

Og útlitini fyri bretska búskapin eru sera døpur. 

Økti prísurin á gassi skundar eisini undir kreppuna, og búskaparfrøðingar hava mett, at inflatiónin kann koma heilt upp á 22 prosent í vetur.

Kwasi Kwarteng

Kwasi Kwar-teng er fíggjarmálaráðharri í Bretlandi.