Korona: Koppsett hava fingið minni koppingarevni enn ásett

Korona: Koppsett hava fingið minni koppingarevni enn ásett
Sjey skamtar vórðu kroystir úr hvørjum glasi, og tað hevur havt við sær, at tey koppsettu hava fingið 10 prosent minni koppingarevni, enn tað var góðkent til
Tá frágreiðingin kom, var mett, at sjúkrahúsverkið fekk 3.000 fleiri prik við at kroysta fleiri skamtar úr gløsunum. (Savnsmynd: Heilsumálaráðið)
 
26.09.2022 - 11:49

Tað var so stórur tørvur á skamtum til koronukoppseting, at í staðin fyri at taka seks skamtar úr gløsunum, so megnaðu føroyska og danska sjúkrahúsverkið at fáa sjey skamtar úr hvørjum glasi.

Nú vísa kanningar, sum Teknologisk Insititut hevur gjørt fyri Danmarks Radio, at fólk av somu orsøk hava fingið minni koppingarevni í seg, enn koppingarevnið var góðkent til.

Talan er um 10 prosent minni koppingarevni.

 

Ikki brúktar í Føroyum

Í Danmark var tað heilsustýrið, sum orðaði eina vegleiðing til sjúkrahúsini, hvussu tey skuldu gera fyri at fáa fleiri skamtar úr hvørjum glasi. Sambært Lars Fodgaard Møller, landslækna, vóru hesar vegleiðingar ikki brúktar í Føroyum. 

Men sama um føroyskir myndugleikar brúktu danska vegleiðing ella ikki, so kroystu vit sjey skamtar úr hvørjum glasi, beint ímóti vegleiðingini hjá Pfizer, evropeiska heilivágsmyndugleikanum, EMA og Statens Seruminstitut, sum sendu fleiri ávaringar til danska heilsustýrið.

Fyrstu føroyingarnir vóru koppsettir 30. desember 2020, og í eini støðulýsing frá koppsetingarbólkinum í februar 2021 stendur at "...sum tíðin gekk, fingu starvsfólkini nærum hvørja ferð sjey skamtar úr hvørjum glasi av koppingarevni frá Pfizer/BioNTech."

 

Tummas í Garði, varastjóri í Sjúkrahúsverkinum. (Mynd: Bjarni Árting Rubeksen)

 

3.000 fleiri prik

Tá frágreiðingin kom, var mett, at sjúkrahúsverkið fekk 3.000 fleiri prik við at kroysta fleiri skamtar úr gløsunum.

Tummas í Garði, varastjóri í Sjúkrahúsverkinum, sat í koppsetingarbólkinum og hevði læknafakligu ábyrgdina:

 

0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

 

Er kopiera
Nýggjastu sendingar í ÚV
Sunnudag 25. mai
Bolero - World New Music Days
192350
Sunnudag 25. mai
Guðstænasta í Hoyvíkar kirkju
192348
Leygardag 24. mai
Jambalaja - 240525
192336
Leygardag 24. mai
Upp á tá - 230525
192325
Nýggjastu sendingar í SV
Sunnudag 25. mai
Andakt
192349
Sunnudag 25. mai
Møti úr Ebenezer í Havn
192356
Leygardag 24. mai
Grønir fingrar (1:3) - teknmálstulkað
192322
Leygardag 24. mai
Útilív 6:6 - teknmálstulkað
192321
Leygardag 24. mai
Dagur og vika - teknmálstulkað
192319