Barnaverndin fekk 399 nýggj mál í fjør

Barnaverndin fekk 399 nýggj mál í fjør. Talan er um 202 gentur og 197 dreingir.

Virkin barnaverndarmál vóru 902 við ársenda 2021. 435 mál vóru lokað í árinum. 

Tað sæst í ársfrágreiðingini hjá Barnaverndarstovuni.

Barnaverndarmál eru 5,4 prosent av barnatalinum í Føroyum.

Javnt kynsbýti

Kynsbýtið er rættiliga javnt fyri børn upp til 17 ár.  Í bólkinum 18 til 22 ár eru dupult so nógvir dreingir.

Løgreglan boðar barnaverndini frá fimta hvørjum máli, sum barnaverndin fær.

Henni á baki kemur foreldramyndugleikin, 11,4 prosent.

Fráboðanir frá ónevndum eru 11 prosent.