Niels Juel Arge nýggjur strandferðslustjóri

Uni Rasmussen, landsstýrismaður í fíggjarmálum, hevur sett Niels Juel Arge í starv sum stjóra á Strandferðsluni. 

Niels Juel hevur verið fíggjarleiðari á Strandferðsluni í tveimum umførum umframt fyribils stjóri í 2007. 

Niels Juel Arge er í løtuni fíggjarleiðari hjá Tórshavnar kommunu. Hann er útbúgvin cand.merc.aud. Harumframt hevur hann ískoytisútbúgving frá journalistháskúlanum í Aarhus. 

Niels Juel Arge er 56 ára gamal.

Eftir ætlan byrjar hann í starvinum 1. november.