Landsstýrið fordømir russiska hertøku av ukrainskum landspørtum

Landsstýrið fordømir harðliga Russland fyri royndina at innlima hertiknu ukrainsku landsåartarnar Donetsk, Luhansk, Kherson og Zaporizhzhia. 

Tað boðar Jenis av Rana, landsstýrismaður í uttanríkismálum, frá. 

Í tíðindaskrivi sigur Uttanríkismálaráðið, at "Sonevndu fólkaatkvøðurnar, ið Russland hevur skipað fyri í hertiknu økjunum, eru ólógligar, og úrslitini kunnu undir ongum umstøðum metast at vera í samsvari við viljan hjá fólkinum í økjunum."

Víðari sigur Uttanríkismálaráðið, at "Tað er greitt brot á altjóða lóg og ásetingarnar í Stovningarsáttmála Sameindu tjóða, at eitt land innlimar partar av einum øðrum landi við hertøku og valdsnýtslu. 

Innliman Russlands av hertiknu landslutunum er sostatt ólóglig sambært altjóða lóg og uttan rættarvirknað."

Tað sigur Jenis av Rana, landsstýrismaður, í almennari fráboðan.