Fleiri ukrainar kunnu fáa uppihaldsloyvi í Føroyum

Ukrainar, sum vóru uttanlands, tá Russland gjørdi innrás í Ukraina, kunnu nú eisini sleppa til Føroya.

Skeringsdagurin í lógini er 24.februar, sum er dagurin fyri innrásina. Men dagurin skal broytast til 1.februar.

Lógin skal broyast, so fólk, sum fóru úr Ukraina 1. februar ella seinni, kunnu søkja um uppihaldsloyvi.

Endamálið við broytingini er, at fólk, sum vóru í feriu ella í øðrum styttri uppihaldi í útlandinum 24.februar, eisini kunnu fáa uppihaldsloyvi. 

66 ukrainar fingið uppihaldsloyvi

Uppskotið kostar landinum, men hvussu nógv, veit landsstýrið ikki.

Men greitt er, at hetta kostar meira enn galdandi lóg, tí fleiri fáa nú møguleikan at søkja um fyribils uppihaldsloyvi.  

Higartil hava 66 fólk úr Ukraina søkt um at fáa fyribils uppihaldsloyvi í Føroyum, sum 64 ukrainar nú hava fingið.