421 fólk deyð í Kairo seinasta samdøgrið

421 fólk deyð í Kairo seinasta samdøgrið
Ein framsøgumaður fyri egyptiska heilsumálaráðið sigur í dag, at talið á deyðum í bardøgum síðan í gjár er komið upp í 421
Bardagar millum stjórnardeildir og viðhaldsfólk hjá fyrrverandi forsetanum, Mohamed Mursi, hava higartil kravt 421 mannalív.
 
15.08.2013 - 11:41

Framsøgumaðurin, Khaled el-Khateeb, sigur við AP í dag, at talið á meiðslaðum í bardøgum millum trygdardeildir hjá stjórnini og viðhaldsfólk hjá frákoyrda forsetanum, Mohamed Mursi, er komið heilt upp í 3.572.

Hann leggur aftrat, at tølini verða dagført seinni í dag, og onki er at ivast í, at bæði tølini vera hægri.

Trygdarlið og løgregla ruddaðu upp
Bardagarnir í Kairo byrjaðu, tá trygdarlið hjá stjórnini og løgreglan fór undir at rudda tvær mótmælislegur við viðhaldsfólki hjá frákoyrda forsetanum Muhamed Mursi. Herurin rak Mursi frá valdinum 3. juli, og síðan hava viðhaldsfólk hansara hildið til í hesum báðum mótmælislegunum.

Stríðið hevur breitt seg
Stríðið millum Mursi-viðhaldsfólk og viðhaldsfólk hjá nýggju stjórnini kyknaði í Kairo. Men síðan hevur tað breitt seg til fleiri aðrar býir. Stríðið og bardagarnar hava fingið stjórnina at seta í gildi undantaksstøðu í landinum í fyribils ein mánaða.
 

Er kopiera
Nýggjastu sendingar í ÚV
Nýggjastu sendingar í SV
Mikudag 9. apríl
Undansending: Føroyar - Litava
190512
Týsdag 8. apríl
Dagur og vika - teknmálstulkað
190454
Týsdag 8. apríl
Veðrið
190447
Týsdag 8. apríl
Fótbóltur: Føroyar - Gibraltar
190450