Gudsspottan skal ikki vera revsiverd

Bjarni Kárason Petersen í Framsókn vil hava gudsspottan strikaða í revsilógini.

Sambært revsilógini kunnu ávísar útsagnir, speireking ella háðan, um trúarlæru ella gudsdyrkan hjá lógligari trúarsamkomu her í landinum revsast við sekt ella fongsli í upp til fýra mánaðir.

Eingin er nakrantíð dømdur eftir hesi ásetingini í Føroyum, sigur Bjarni Kárason Petersen.

Eingin verja

Hann sigur, at eingin átrúnaður eigur at vera vardur móti atfinningum.

At strika gudsspottan í revsilógini styrkir talufrælsið og er í samsvari við tilmæli frá ST og Europaráðnumum um, at tað skal ikki vera revsivert ikki at sýna virðing fyri eini trúarlæru ella gudsdyrkan.

Í størsta partinum av Evropa er gudsspottan ikki revsiverd longur.

Ásetingin um gudsspottan í revsilógini var strikað í Svøríki í 1970, í Stóra Bretlandi, tó ikki í Norðurírland, í 2008, í Noreg og Íslandi í 2015 og í Danmark í 2017.