- Tíðindi, mentan og ítróttur
Triði valfundurin verður í Miðnámi á Kambsdali klokkan 10
Triði valfundurin verður í Miðnámi á Kambsdali klokkan 10
Miðnám á Kambsdali verður fyrrapartin karmur um valfund, sum verður sendur beinleiðis í útvarpinum og sjónvarpinum, umframt at hann verður stroymdur her á síðuni
Tveir sessir í danska fólkatinginum eru tað, ið flokkarnir í Føroyum kappast um, nú triði valfundurin verður í Miðnámi á Kambsdagli í dag klokkan 10
Mynd: Christoffer Regild
20.10.2022 - 01:37
Klokkan 10 er aftur valfundur á skránni í dekninginum hjá Kringvarpi Føroya av fólkatingsvalinum.
Valfundurin er á Miðnámi á Kambsdali, og allir flokkarnir, ið stilla upp til fólkatingsvalið, hava umboð við á almenna fundinum.
Valdekningurin í Kringvarpi Føroya verður skipaður soleiðis, at aðru hvørja ferð er tað Andglettur, sum verður sendur úr Sortudíki í Havn, og aðru hvørja ferð valfundir kring landið.
Valfundurin í Miðnámi á Kambsdali í dag, 20. oktober, er tann triði í røðini og byrjar klokkan 10.
Stroymingin av valfundinum á Kambsdali kann síggjast her.
Skráin fyri valdekningin í Kringvarpi Føroya:
- Hósdag 20. oktober: Valfundur, Miðnám á Kambsdali
- Fríggjadag 21. oktober: Tjóðveldi í Andglettinum
- Mánadag 24. oktober: Valfundur, Miðnám í Vestmanna
- Týsdag 25. oktober: Miðflokkurin í Andglettinum
- Mikudag 26. oktober: Valfundur, Tekniski Skúli í Klaksvík
- Hósdag 27. oktober: Sambandsflokkurin í Andglettinum
- Fríggjadag 28. oktober: Valfundur, Glasir í Havn
- Sunnudagur 30. oktober: Stórur veljarafundur í Løkshøll í Runavík.
- Mánadagur 31. oktober: Fólkatingsval í Føroyum
Er kopiera
Nýggjastu sendingar í ÚV
Nýggjastu sendingar í SV
