Visti ikki hvar skipið var

Yvirstýrimaðurin á grønlendska línuskipinum Masilik, sum strandaði í Íslandi 16.desember í fjør, visti ikki, hvar skipið var statt.

Hann hugdi ikki í radaran og heldur í tólið, sum mátar dýpdina.

Tað skrivar Mogunblaðið, sum hevur lisið frágreiðingina hjá skaðanevndini um hendingina.

At yvirstýrimaðurin ikki ansaði betur eftir, var orsøkin til, at Masilik strandaði.

Hann sigur, at hann hoyrdi sjálstýraran boða frá, tá hann eina løtu ikki var á brúnni. Men hann helt, at hetta var ein feilur í sjálvstýranum.  

19 mans vóru við skipinum. Eingin teirra fekk skaða. 

Masilik var á veg til Havnarfjarðar. Veðrið var hampuligt.