Løgtingsvalið leggur mál um eftirnavn stilt

Magnus Rasmussen, landsstýrismaður, hevur ikki loyst málið um rættin hjá børnum at fáa eftirnavn hjá sammóður. 

Hóast løgtingið samtykti við lóg, at børn hjá samkyndum foreldrum kunnu fáa eftirnavnið hjá báðum løgfrøðiligu foreldrunum, so hevur landsstýrið sýtt fyri at seta hetta í verk. 

Sostatt kunnu børn hjá samkyndum foreldrum ikki fáa eftirnavn hjá báðum foreldrum, og málið liggur í løtuni stilt.

Hoyr Magnus Rasmussen í útvarpstíðindunum:

Løgmaður sigur við Kringvarpið, at einans mál av alneyðugum týdningi verða avgreidd, til løgtingsvalið hevur verið.