Video: Ljóðið er bjargað

Talan er um nakrar gamlar, støvutar lakkplátur frá 1949 við upptøkum, konga- og drotningavitjan í klaksvík. Jógvan Gerðalíð tók og upp og Robert Joensen raporterar.

- Hetta er eitt meistaraverk hjá Jógvani Gerðalíð, sigur John Dam, ið samlar upp á gamlar føroyskar lakkplátur.

Video av yvirspælingunum. Ljóðið er frá lakkplátunum og gamli filmurin eru upptøkur frá kongavitjanini í Klaksvík í 1949. Klaksvíkar Kommuna eigur upptøkurnar og tær eru varðveittar í kringvarpssavinum.

Fyri at reinsa burtur dust og annað, ið hevur lagt seg á pláturnar, hevur John eitt tól, sum fyrst dustsýgur pláturnar, og eftir tað verða pláturnar reinasaðar við eini serligari vesku.

- Vit reinsa og spæla lakkpláturnar yvir á telduna, so upptøkurnar verða tøkar talgilt, sigur John Dam.

John Dam og lakkplátur

John Dam dustsýgur og reinsar pláturnar við eini serliga vesku

Við plátuspælaran situr tøknikkurin Kári Annand Berg og spælir pláturnar yvir.

- Vit hava eina serliga plátunál, sum riggar sera væl til lakkplátur, sigur Kári. Hann leggur afturat, at fleiri at upptøkunum eru sera góðar.

Lakkpláta nál

Ein serlig nál verður brúkt at spæla lakkpláturnar yvir á telduna

- Hetta er fantastiskt at ljóðið er bjargað og goymt í kringvarpssavninum, sigur John Dam.

Longri samrøða við John Dam og Kára Annand Berg í Góðan Morgun Føroyar