Viðareiðis kommuna 7,5 mió. kr. í halli næsta ár

Fíggjarætlanin hjá Viðareiðis kommunu næsta ár hevur 7,5 milliónir kr. í halli.

Tað upplýsir kommunan, nú fíggjarætlanin fyri 2023 er endaliga samtykt. 

Sambært kommununi eru íløgur í keyp av lendi, nýgerð av dagstovni og umvæling av lendingini í Eiðsvík millum orsøkirnar til vánaliga úrslitið. 

Fíggja hallið við tøkum peningi

Kommunan hevur kortini so mikið av tøkum pengini, at tað fíggjar hallið.

Mett verður, at skattainntøkurnar næsta ár verða 18,9 milliónir krónur, meðan rakstrarútreiðslurnar vera 16,8 milliónir krónur. Samlaða rakstrarúrslitið verður tí 2,1 milliónir krónur. 

Íløgurnar næsta ár verða mettar til 7,9 milliónir krónur. 

Skattaprosentið næsta ár verður tað sama, 20,5 prosent, meðan barnafrádrátturin hækkar úr 7.500 krónur upp í 8.000 krónur.