Vága kommuna: Skattalætti og størri barnafrádráttur

Ert tú borgari í Vága kommunu, kanst tú gleðast um, at tú næsta ár skal gjalda minni í skatti, og at barnafrádrátturin hækkar.

Býráðið hevur einmælt samtykt at lækka skattin 0,25 prosentstig, úr 22 niður í 21,75 prosent. Eisini hækkar barnafrádrátturin 1.000 kr., úr 5.500 kr. upp í 6.500 kr. 

Vága Kommuna hevur hægsta kommunuskattaprosent í landinum, og barnafrádrátturin liggur undir miðal hjá kommununum. 

Sambært Bjarna Prior, borgarstjóra, er tað serliga byggingin av skúlanum á Giljanesi, ið er orsøkin til skattatrýstið.

Hoyr innslag í útvarpstíðindunum: