Ongin ætlan um at talgilda vallistar

Ongar ætlanir eru um at talgilda vallistar, sigur Hilmar Høgenni, deildarstjóri í Umhvørvis- og Vinnumálaráðnum.

Vallistarnir kunnu ikki talgildast uttan so, at vallógin eisini verður enduskoðað, og tann avgerðin liggur í landsstýrinum.

Jóan Petur Hentze, formaður í valstýrinum í Tórshavnar kommunu, segði í útvarpinum fyrr í dag, at tað bæði hevði verið skjótari og tryggari at farið á val, um skrásetingin av vallistum verður talgild.

Hilmar Høgenni heldur, at tað er gott hugskot at endurskoða partar av skipanini, men tað krevur fyrireiking.

Hoyr innslag í útvarpstíðindunum:

Fólkatingsval 2022, Fólkatingsvalið 2022, Høllin á Hálsi

Formaðurin í valstýrinum í Tórshavnar kommunu mælir til at talgilda vallistarnar, men í Umhvørvis- og Vinnumálaráðnum, sum varðar av málinum, eru ongar ætlanir um tað. (Savnsmynd: Bjarni Árting Rubeksen)