Heimatænastan: Starvsfólk ræðast leiðsluna

Starvsfólk í Heimatænastuni tora einki at siga um trupulleikar í arbeiðinum og í heimarøktini, tí tey ræðast leiðsluna.

Tað kom fram á almenna fundinum, sum Eldramálið hevði í Miðvági í síðstu viku.

Annika Olsen, landsstýriskvinna, var á fundinum, og hon lovaði at kanna hetta, sigur Eldramálið í tíðindaskrivi.

Ikki nóg góð røkt

Sambært tí, sum varð sagt á fundinum, trívast starvsfólk í Heimatænastuni ikki, og røktin er ikki nóg góð. Ov nógv tíð fer við at skráseta arbeiðið, og tey, sum fáa heimarøkt, fáa ikki ta tíð, tey eru visiterað til.

Hóast faklærd fólk eru tøk, arbeiða ov nógv ófaklærd í Heimatænastuni, sigur Eldramálið eisini frá fundinum í Miðvági.