Landslæknin kannaði sjey deyðsvanlukkur í fjør

Landslæknin kannaði sjey fólk, sum vóru deyð í vanlukkum, í fjør.

Eitt teirra doyði í ferðsluvanlukku.

Í 2020 vóru eisini sjey fólk kannað, trý teirra doyðu í ferðsluvanlukkum.  

Fýra fólk doyðu í fjør av falli, eitt fólk druknaði, eitt fólk av kvaling og eitt av eitran.

Tvey fólk beindu fyri sær í fjør. Tey vóru trý í 2020.  

Sambært tølunum hjá landslæknanum vóru nógv fleiri vanlukkur fyrr.

Ringasta árið í so máta er 1986, tá doyðu 27 fólk í vanlukkum, millum annað 14 í ferðsluvanlukkum.