H71 fær spanska mótstøðu í áttandapartsfinaluni

Mótstøðuliðið hjá H71 í áttandapartsfinalunum í European Cup verður Atletico Guardés úr Spania, skrivar HSF.

Sambært Hondbóltssambandinum er talan um eitt sterkt lið, sum í nógv ár hevur kappast í toppinum í bestu sponsku deildini. Í 2017 vann Atletico Guardés meistaraheitið.

Liðið er úr býnum A Guarda, sum liggur í landslutinum Galisia við vesturstrondina í Spania.

Heima- og útidysturin móti Atletico Guardés skulu spælast í tíðarskeiðnum 7.-15. januar.