Ukrainar fingið streymin aftur

Ukrainski forsetin, Volodymyr Zelenskyj, segði í eini røðu í gjár, at tað nú er eydnast at fáa seks milliónum fólkum í landinum streymin aftur.

- Umvælingarnar halda fram, og tær hava verið í gongd uttan steðg síðani atsóknirnar í gjár, segði forsetin, ið sipaði til áhaldandi russisk rakettálop á fleiri stórar ukrainskar býir.

Millum annað hava stórir partar av høvuðsstaðnum, Kiev, verið uttan vatn og streym sum avleiðing av rakettálopunum, tí uttan streym hevur pumpuskipanin í vatnveitingini heldur ikki virkað.