Lívfiskastøðin góðkend

Lívfiskastøðin hjá Bakkafrosti Farming í Skálavík hevur fingið umhvørvisgóðkenning.

Ein lívfiskastøð elur lívfisk við tí endamáli at taka rogn, tá lívfiskurin er kynsbúgvin. 

Støðin fer at ala 300 tons um árið. 

Vatn verður tikið úr Núpsá, Ánni nýggju og Stórá. Støðin brúkar eisini sjógv.

Ikki treytaleyst

Um tað vísir seg, at útlátið frá smoltstøðini elvir til dálking, sum ikki er uttan týdning, kann Umhvørvisstovan krevja, at bøtandi atgerðir vera gjørdar, stendur í góðkenningini.

Eisini eru treytir um ampar av óljóði, lukti og øðrum.

Bakkafrost søkti fyrstu ferð um umhvørvisgóðkenning 19.november 2020.

Fyri einum ári síðani, 22.desember í fjør, var dagførd umsókn send. 

Avgerðin hjá Umhvørvisstovuni um umhvørvisgóðkenning kann kærast til landsstýriskvinnuna í umhvørvismálum í seinasta lagi 20.januar 2023. 

Kærurætt hava tey, sum avgerðin hevur ein serstakan, beinleiðis og persónliga týdning fyri.