Skulu vænta hægri rentur í 2023

Sethúsaprísirnir eru lækkaðir hetta seinasta hálva árið, og tað kemst millum annað av, at rentan er hækkað.

Hetta merkja tey, sum keypa og selja á bústaðarmarknaðinum. Jákup Andrias Hansen er Ognarmeklari hjá Betri Heimi, og hann hevur sæð eina broyting seinastu tíðina. 

Keypshugurin er ikki tann sami, sum hann var fyri eini tíð síðani. Men marknaðurin er enn við at tillagað seg, heldur Jákup Andrias Hansen. 

Rentan kemur ikki niður á sama støði aftur enn

Vit skulu bjálva okkum til, at renturnar hækka uppaftur meira komandi ár. Tað sigur, Árni Ellefsen, stjóri í bank nordik. 

Hetta er tó ikki bara fyribils - Vit skulu í onkran mun venja okkum við, at renturnar verða hægri í framtíðini. Seinastu árini hava tær verið søguliga lágar, í tíðarskeiðum negativar, og tað skulu vit ikki vænta okkum aftur fyribils. 

Útlánsrenturnar eru í miðal hjá føroysku bankunum øktar frá at vera 2,9% í august til 3,23% oktober í ár.