Stúrir fyri trotinum á kommunulæknum í framtíðini

Heilsutrygd søkir nú eftir heili átta kommunulæknum, men eini 2-3 størv afturat eru ómannað. 

Turið Holm Johannesen er kommunulækni og útbúgvingarsamskipari fyri tey, ið hava hug til at gerast kommunulæknar. Og hon stúrir fyri, at komandi ættarlið av kommunulæknum eisini fara at velja starvið frá.

Heilsutrygd varðar av kommunulæknaskipanini, men har verður ikki gjørt nóg nógv fyri at bøta um skipanina. 

Verandi læknar rýma úr skipanini, og komandi ættarlið av kommunulæknum aftrar seg. Hetta kann enda galið, heldur Turið Holm Johannesen. 

Ikki nóg góðir læknavikarar

Við jøvnum millumbili setir Heilsutrygd útlendskar læknar í vikarstørv í Føroyum, men krøvini til hesar eru ov lin, heldur Turið Holm Johannesen. 

"Tað er ikki altíð, at teir vikararnir, ið verða settir, eru nóg góðir", sigur hon.

Margit Stórá, landsstýriskvinna í heilsumálum, var í sjónvarpsstovuni og svaraði spurningum um støðuna á kommunulæknaøkinum. 

Margit Stórá