VIDEO: Anleggið kann framleiða 2400 tunnur av whisky um árið

Gamla anleggið, ið Faer Isles Distillery hevur framleitt ginn, vodka og akvavitt til føroyska marknaðin við seinasta árið, er ein dvørgur í samanberingini við nýggja whisKy-anleggið hjá felagnum. 

Nýggja anleggið í Faer Isles Distillery kann framleiða yvir 2400 tunnur av whisky um árið. 

Ætlanin er tó at byrja við at framleiða 600 tunnur um árið, sum verða lagdar at búnast í spennandi goymslubygninginum, sum er í gerð oman fyri Kvívík. 

Fríggjadagin 27. januar var hátíðarløta í Faer Isles Distillery, sum heldur til á bryggjuni í Vestmanna, í sambandi við, at framleiðslan av whisky varð sett í gongd. 

Vit vóru ein rundtúr á nýggja anlegginum saman við Dániali Hoydal, stjóra. 

Sí eisini myndarøð av nýggja anlegginum og barrini, ið eisini er partur av Faer Isles Distillery í Vestmanna.