Rásin í Saltangará skal um- og útbyggjast fyri 25 mió. kr.

Barna- og útbúgvingarmálaráðið sigur, at nýggi bygningurin, sum verður gjørdur til Rásina, verður 450 fermetrar og tekur tvífalt so nógvar næmingar, sum skúlin tekur nú

Talið av næmingum á Rásini verður tvífaldað, tá um- og útbyggingin av eftirskúlanum fyri ung við menningartarni er liðugur

Mynd: Bárður Veihe

Høgni Djurhuus

06.02.2023 - 07:37

Eftirskúlin Rásin í Saltangará skal um- og útbyggjast fyri í mesta lagi 25 mió. kr.

Uppskot um tað er sent til hoyringar.

Rásin, Saltangará, Eftirskúli, útbygging

Barna- og útbúgvingarmálaráðið sigur, at nýggi bygningurin, sum verður gjørdur, verður 450 fermetrar og tekur tvífalt so nógvar næmingar, sum skúlin tekur nú.

Nú er pláss fyri sjey næmingum. Næmingatalið fer upp í 14.

Rásin, Saltangará, Eftirskúli

Rásin soleiðis sum eftirskúlin sær út í dag

Raksturin kostar 3 mió. kr.

Eftir útbyggingina fer raksturin at kosta tríggjar milliónir meira um árið.

Frá 2019 til 2022 eru brúktar 1,65 mió. kr. til fyrireiking og projektering.

Rásin, Saltangará, Eftirskúli, útbygging

Játtaðar vóru 4,5 mió. kr. í fjør. Tær verða fluttar til í ár.

Landsverk mælir til, at 12 mió. kr. verða játtaðar í ár og 12,35 mió. kr. næsta ár.

Rásin, Saltangará, Eftirskúli, Næmingar

Tilboð fyri ung við menningartarni

Rásin er eitt heildartilboð til ung við menningartarni, sum eru liðug við fólkaskúlan.

Eftir lokið skúlaskeið eru næmingarnir klárir at fara á serbreyt og/ella í vart arbeiði.

Tey megna at flyta heimanífrá til eitt tillagað bútilboð frá Almannaverkinum, og til at liva eitt so sjálvstøðugt lív sum gjørligt, sigur Barna- og útbúgvingarmálaráðið.