Størri játtan at útbúgva læknar

Størri játtan at útbúgva læknar
46 læknar eru í útbúgvingarstarvi í løtuni, og av teimum búgva 11 seg út til kommunulækna
Eftir ætlan verða tríggir kommunulæknar lidnir við útbúgvingina í almennum medisini í ár. (Savnsmynd)
 
15.02.2023 - 16:09

Útbúgvingin av kommunulæknum og sjúkrahúslæknum skal styrkjast, ætlar landsstýrið.

Játtanin at útbúgva yngri læknar er hækkað úr 12,5 milliónum krónum upp í 14,2 milliónir krónur um árið næstu trý árini.

Sambært uppskotinum til fíggjarlóg skal ein partur av játtanini nýtast til álagt skeiðsvirksemi.

 

46 útbúgvingarstørv

46 læknar eru í ymiskum útbúgvingarstørvum í skipanini. Av teimum 46 eru 11 læknar í útbúgvingarstarvi í almennum medisini, sum er útbúgving til kommunulækna. 

Eftir ætlan verða tríggir kommunulæknar lidnir við útbúgvingina í almennum medisini í ár.

Seinastu tíðina hevur kommunulæknaskipanin verið nógv umrødd, og nógv hevur verið frammi um, at skipanin ikki riggar nóg væl.

Heilsutrygd hevur víst á, at skal trupulleikin loysast, er neyðugt at útbúgva fleiri kommunulæknar.
 

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435