Eingir pengar til fótbóltshøll í ár

Eingir pengar til fótbóltshøll í ár
Í fjør vóru játtaðar fimm milliónir til høllina, men í ár er eingin játtan
Fótbóltssambandið skal standa fyri verkætlanini um fótbóltshøllina.
Mynd: Bjarni Árting Rubeksen  
 
16.02.2023 - 16:10

Fótbóltssambandið fær onga játtan í ár til fótbóltshøll.

Í 2022 vóru játtaðar fimm mió. kr. til fótbóltshøll, ið er ein verkætlan, sum Fótbólssamband Føroya skal standa fyri.

Men sambært fíggjarlógaruppskotinum fyri 2023, er projekteringin av fótbóltshøllini ikki gjørd, og støða er ikki tikin til nakra staðseting enn.

Tí er heldur eingin kostnaðarætlan fyri høllina.

Í viðmerkingunum í fíggjarlógaruppskotinum stendur, at tað verður Fótbóltssambandið, sum fer at standa fyri fyrireiking, projektering og bygging av høllini.

Almanna- og mentamálaráðið veitir stuðulin og fer í tí sambandi at seta neyðugar treytir, ið skulu verða uppfyltar, áðrenn stuðul verður veittur.

 

Fótbóltshøll í Hoyvík

Hóast verkætlanin hjá Fótbóltssambandinum ikki er byrjað, sigur Tórshavnar kommuna seg hinvegin hava ætlanir um at gera eina fótbóltshøll.

Í samrøðu við Sosialin í januar, segði Heðin Mortensen, borgarstjóri, at Tórshavnar kommunan hevur ætlanir um at byggja eina fótbóltshøll í Hoyvík.

Arbeiðið at byggja stórhøll í Hoyvík er byrjað. 

- Og vit arbeiða við, at ein fótbóltshøll verður bygd í sama umhvørvi sum stórhøllin, segði Heðin Mortensen millum annað við Sosialin.

Samanborið við stórhøllina, sum kostar slakar 220 milliónir krónur at byggja, verður mett, at ein fótbóltshøll fer at kosta góðar 80 milliónir krónur.

Er kopiera
Nýggjastu sendingar í ÚV
Fríggjadag 21. juni
RagnarRokk 20.juni 2024
176048
Fríggjadag 21. juni
EM-tíðindi: 21. juni 2024
177079
Fríggjadag 21. juni
Morgunlestur fríggjadagur 21. juni 2024
176801
Nýggjastu sendingar í SV
Fríggjadag 21. juni
Dagur og vika - teknmálstulkað
177073
Mikudag 19. juni
Dagur og vika - teknmálstulkað
176988
Týsdag 18. juni
Veðrið
176960
Mánadag 17. juni
3-2 (18. juni 2024)
176895