Nú verður bíðað eftir seinasta framløgudegi

Týsdagin 7.mars leggur Dennis Holm, landsstýrismaður, fyri løgtingið árligu frágreiðingina um støðuna í fiskivinnuni - t.e. hvussu lógin um sjófeingi verður fyrisitin.

Løgtingið skal hava aðalorðaskifti um frágreiðingina.

Tingfundur verður ikki aftur fyrr enn 7. mars, tá seinasti framløgudagur er í hesari tingsetuni.

Uppskot, sum skulu leggjast fram tá, skulu vera hjá løgtinginum í seinasta lagi 28.februar á middegi.

Til ber tó at leggja fram uppskot seinni enn 7.mars, men tá krevst, at í minsta lagi 17 tingfólk skriva undir, at uppskotið verður lagt fram í tinginum.