Berin fær 400.000 kr. aftrat

Berin fær 400.000 kr. aftrat
Landsstýriskvinnan í almanna- og mentamálum hevur skotið upp at hækka játtanina á fíggjarlógini.
Berin skipar fyri landsinnsavning í Kringvarpinum 5. mars.
 
24.02.2023 - 16:03

Landsstýriskvinnan í almanna- og mentamálum, Sirið Stenberg, hevur hækkað játtanina til felagsskapin Beran 400.000 krónur á fíggjarlógaruppskotinum, sum nú er lagt fyri Løgtingið.

Tað upplýsir Almanna- og mentamálaráðið í dag.

Høvuðsendamálið hjá Beranum er at geva børnum og ungum, ið hava mist foreldur og/ella systkin, eitt stað, har tey kunnu hittast og práta við onnur í somu støðu. Berin skipar eisini fyri bólkum fyri foreldrum, sum hava mist børn, og veitir vegleiðing og ráðgeving, eins og samtalur við sálarfrøðing.


Sirið Stenberg, landsstýriskvinna í almanna- og mentamálum.

Í eina tíð hevur Berin víðkað virksemið, til eisini at hava eitt tilboð til børn og ung, sum hava álvarsama sjúk foreldur ella systkin. Tilboðið hevur hilnast væl, og tørvurin hevur víst seg at vera stórur, verður sagt.

Í ár eru 20 ár síðani, at Berin varð stovnaður. Í hesum sambandi verður skipað fyri stórari landsinnsavning í Kringvarpinum sunnukvøldið 5. mars kl. 19.

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435