Róin skal kanna sjálvbodna kommunusamanlegging

Tað verður Róin Schrøter, sum skal leiða arbeiðið hjá bólkinum, sum skal kanna fyrimunir og vansar við einari sjálvbodnari kommunusamanlegging í Suðuroynni.

Tað boðar Tvøroyris kommunu frá.  

Higartil er bólkurin mannaður við umboðum úr Tvøroyrar, Hvalbiar og Fámjins kommunu. 

Doris Bjarkhamar er næstforkvinna í bólkinum, og Ólavur Rasmussen er skrivari. Hinir nevndarlimirnir eru Eyðdis Ellendersen, Herit Albinus og Niels Jákup Trúgvason Nielsen.