Eysturoyartunnilin fær 40 milliónir frá landinum til raksturin í ár

Landið rindar fyri, at færri fólk enn roknað varð við, brúka Eysturoyartunnilin. Mett verður, at ískoytið til raksturin av tunlinum fer at kosta landinum 40 mió. kr. í ár.  

Tí enn er ferðslan í Eysturoyartunlinum minni enn mett í fíggjarætlanini hjá felagnum. 

Játtanin í 2022 til ferðsluveðhaldið var 54,1 mió kr. 

Landsstýrið væntar, at ferðslan í Eysturoyartunlinum fer at vaksa so líðandi, so veðhaldið bara verður effektivt í nøkur ár.

Roknað verður við 30 milliónum í 2024 og 15 milliónum í 25. Fyribils kostar veðhaldið tí 140 mió. kr.

Eisini ferðastuðul

Afturat hesum kemur ferðastuðul til teirra, sum brúka tunnilin.

Stuðulin kom í fjør við tí endamáli, at partafelagið Eystur- og Sandoyartunlar kundu lækka prísin fyri at koyra í Eysturoyartunlinum.

Sjey mió. kr. eru settar av í fíggjarlógini fyri 2023. 

Játtanin var eisini sjey mió. kr. í fjør, og uppskot er um, at játtað verður tað sama bæði í 2024 og 25.