Creditt Suisse lænir 377 milliardir

Sveisiski stórbankin, Credit Suisse, sum er í vanda fyri at fara á húsagang, sigur, at bankin fer at læna 50 milliardir sveisarfrankar úr miðbankanum í Sveis.

Tað skrivar NRK.

Credit Suisse er næststørsti banki í Sveis.

50 milliardir sveisarfrankar svarar til okkurt um 377 milliardir krónur í okkara peningi.

Styrkja gjaldførið

Um avgerðina at læna pengar, sigur Credit Suisse, at peningurin verður læntur fyri "at styrkja gjaldførið í bankanum", skrivar Wall Street Journal.

Mikudagin rapaði partabrævakursurin hjá bankanum.

Partabrøvini minkaðu okkurt um 24 prosent.

Í USA eru tríggir bankar farnir á húsagang, og tað hevur elvt til órógv í keypskálunum,  bæði í USA og Evropa.