Svenskarar keypa inn í Norra

Vanliga hava tað verið norðmenn, ið eru farnir um markið til Svøríkis at keypa bíligar mat- og drykkjuvørur, men nú er hetta vent á høvdið.

Nú eru tað svenskarar, sum í alsamt størri mun ferðast hinvegin í somu ørindum.

Tað skrivar norska kringvarpið, NRK.

Tað eru serliga frukt og grønt, ið lokka svenskarar um markið, men eisini kjøt, breyð, fiskur, ostur og smør eru bíligari í Norra.

Yvirhøvur eru svensku matvøruprísirnir dýrkaðir 20 prosent hetta síðsta árið.

Men fyri einstakar vørur er príshækkingin nógv størri, tí eitt blommkál er nú 80 prosent dýrari og smør 48 prosent dýrari.