Finnast at útflutningsforboði

KNAPK vísir á, at upprunafólkið hevur sín fulla rætt til at veiða hvítfisk og soleiðis at breyðføða seg, og tí rakar forboðið skeivt.

Orsøkin til forboðið er, at hvítfiskaveiða í Eysturgrønlandi er í stríð við altjóða lóggávu, skrivar grønlendska kringvarpið, KNR.

Men fiski- og veiðimannafelagið vísir á, at talan er als ikki um nakra beinleiðis framleiðslu við útflutningi fyri eyga, so tí gevur tað onga meining.

Einasta framleiðsla, talan er um, er hjá slaktarum í matvøruhandlum, og tann framleiðslan er lokal og ikki til útflutnings.

Ferðandi úr Grønlandi til Danmarkar kunnu taka hvítfisk og hvølju við sær til egið brúk.

Hinvegin ber ikki longur til at senda vinum og kenningum niðri upp í fimm kilo av hvítfiski og hvølju, sum fólk gera, men uttan nakað vinnuligt endamál.