Søgulig avtala á Balkan

Tað er ES, sum hevur staðið fyri tingingunum millum londini bæði, sum hava verið í gongd í longri tíð.

Áður hava Serbia og Kosovo verið í kríggi við hvørt annað, men við avtaluni verða viðurskiftini meira vanlig aftur.

Millum tey ellivu punktini í avtaluni er eitt tað týdningarmesta, at Serbia ikki longur skal forða Kosovo frá altjóða felagsskapum sum eitt nú ST.

Eisini hevur tað týdning í avtalvuni, at Kosovo bindur seg til at geva kosovo-serbiska minnilutanum partvíst sjálvræði í ávísum pørtum av landinum.

Ikki øll eru so fegin um avtaluna, og í serbiska høvuðsstaðnum, Beograd, hava mótmælistiltøk verið.