Teitur givið avboð til landsliðið

Teitur Matras Gestsson verður ikki í málinum hjá føroyska fótbóltslandsliðnum, tá EM-undankappingin byrjar við dysti á útivølli ímóti Moldova fríggjadagin, skrivar Bolt.fo.

Grundin er, at HB-málverjin júst er vorðin pápi fyri fjórðu ferð.

 - Tað kennsit tískil rætt at raðfesta familjuna fram um fótbóltin beint nú. Tí havi eg givið avboð hesaferð. Hetta er eisini alt í sátt og semju við landsliðsvenjarin, og tað eri eg ótrúliga glaður fyri, sigur Teitur Matras Gestsson við heimasíðuna hjá FSF.

Í staðin hevur Håkan Ericson sent boð eftir liðfelaganum úr HB, Bjarta Vitalis Mørk.

Seinnapartin í dag vunur føroyska A-landsliðsliðið við monnum fyrstu ferð undan EM-undankappingardystinum móti Moldova, og venjingardystinum móti Norðurmakedónia.

Týsdag og fyrrapartin mikudagin er venjing aftur á skránni, áðrenn leiðin gongur til Moldova.