Varastjórin í Sjúkrahúsverkinum: Ert tú í neyð, ring 1-1-2

Ert tú í neyð, so er umráðandi at ringja 1-1-2.

Tað sigur Tummas í Garði, varastjóri í Sjúkrahúsverkinum, eftir eina hending um vikuskiftið, har ein ung kvinna ikki slapp fram at læknavaktini.

Hansi í Kálvalíð var við dóttrini á Landssjúkrahúsinum, men slapp ikki framat, tí hon skuldi ringja fyrst.

Tummas í Garði, læknastjóri

Tummas í Garði er varastjóri í Sjúkrahúsverkinum. (Mynd: Bjarni Árting Rubeksen)

Sambært Tummasi í Garði, eru starvsfólkini í móttøkuni ikki før fyri at meta um viðkomandi, sum kemur inn, hevur tørv á bráðfeingis hjálp.

Neyðugt er at eftirmeta samskipanina millum læknavaktina, sum hoyrir undir Heilsutrygd, og bráðfeingistænastuna, sum hoyrir til Landssjúkrahúsið.

Varastjórin sigur, at hann skilir væl kenslurnar, sum Hansi í Kálvalíð situr eftir við í dag.

Hoyr innslag í útvarpstíðindunum: