FUR heiðrar fýra fólk

Fía Lindenskov, sum er virkin í skótavirksemi í Føroyum og uttanlands, hevur fingið heiðurslønina fyri at hava gjørt sítt til, at KFUK-skótarnir hava havt stóran vøkstur seinnu árini.

Gunnvør og Hilmar Joensen hava fingið heiðurslønina fyri í eitt mannaminni at hava lagt lunnar undir og ment sjónleika- og tónleikavirksemi í Nólsoy.

Og Esbern á Geilini fær FUR-heiðurslønina fyri at hava verið við til at bygt upp Tabletop Føroyar, sum hevur til endamáls at økja áhugan fyri og trivnaðin við borðspælmentanini í Føroyum.