Betri-deildin: Nakrir greiðir favorittar

Hvørki KÍ ella HB hava snáva enn, og í dag eru tey aftur stórfavorittar, tá tey vitja ávíkavist AB og TB, sum einki stig hava fingið enn.

Meir spenningur er um hinar tríggjar dystirnar. 

Undir vanligum umstøðum var Víkingur greiður favorittur á Svangaskarði ímóti B68, men í Fuglafirði seinast sá tað út til at merkja teir ljósabláu, at teir hava mist tríggjar av lyklaspælarunum - Bárð J. Hansen, Noah Mneney og seinast Gunnar Vatnhamar - í mun til liðið, sum endaði á 2. plássi í fjør.

Sannlíkt er kanska eisini, at B36 vinnur á 07 Vestur í Havni kvøld, men árstalsfelagið hevur onkuntíð havt tað trupult ímóti niðaru liðunum, og 07 Vestur kann hótta á einum góðum degi við fleiri fyrrverandi B36-spælarum á liðnum. 

Dysturin, sum sær javnast út á pappírinum, er í Fuglafirði, har ÍF tekur ímóti EB/Streymi. Sundalagsmenn hava fingið eina fína byrjan við tveimum sigrum í trimum dystum, meðan fuglfirðingarnir hava trý stig, men fleiri góð avrik í skjáttuni. 

2. umfar (4. dystur)
16:30 TB - HB
17:00 AB - KÍ
18:00 ÍF - EB/Streymur
18:00 B36 - 07 Vestur
18:00 B68 - Víkingur