Munur á í Danmark og Grønlandi

Í brævi sínum til danska løgmálaráðið vísir landsstýrismaðurin millum annað á, at á fleiri økjum er Grønland eftirbátur, tí meðan broytingar verða gjørdar í Danmark, hendir einki í Grønlandi.

Millum annað verður víst á revsikarmin fyri serliga álvarslig brotsverk, sum í Danmark kunnu revsast við upp í 16 ára fongsulsrevsing, men í Grønlandi kann revsing ikki vera meira enn 10 ár.

Hetta gjørdi Grønland longu vart við í 2019, men enn er einki hent, tí danskir myndugleikar skylda uppá, at pláss er ikki í Grønlandi fyri teimum, ið fáa longri fongsulsrevsingar.

Men hesum vísir Aqqaluaq B. Egede aftur og sigur, at danska stjórnin tvørturímóti hevur sagt, at rættarpolitikkurin í danska ríkinum ikki eigur at vera tengdur at, hvussu nógv pláss er í fongslunum.