Týskland gevst við kjarnorku

Tað stendur greitt, eftir at týska stjórnin hevur havnað øllum politiskum áheitanum um at bíða við at stongja verkini.

Tað skrivar AP-tíðindastovan.

- Alt er til reiðar til at stongja kjarnorkuverkini, sigur ein talsmaður fyri týska samveldiskanslaran, Olaf Scholz.

Tað var í 2011, at táverandi samveldiskanslarin, Angela Merkel, tók avgerð um at stongja týsku kjarnorkuverkini.

Hetta skuldi ætlandi verið gjørt longu í desember í fjør, men varð útsett, tá ið orkukreppa tók seg upp í kjalarvørrinum av krígnum í Ukraina.