Fronsk pensjónsnýskipan avgreidd

Nú vendist ikki aftur, tí uppskotið er longu lýst í Journal Officiel, sum er kunngerðarblaðið hjá fronsku stjórnini.

Pensjónsnýskipanin, ið Macron hevur trýst ígjøgnum og sum franska stýrisskipanarráðið góðkendi í gjár, hevur elvt til hópin av mótmælum kring alt landið.

Fakfeløgini hava heitt á stjórnina um at bíða við málinum, tí støðan var so spent, men tað var til fánýtis.

Reuters-tíðindastovan veit at siga, at lógin um hækkaða pensjónsaldurin kemur í gildi frá 1. september.