Íslendska arbeiðsloysið minkar

Íslendska arbeiðsloysið minkar støðugt, og í farna mánaði var tað komið niður á 3,5 prosent, samanborið við 3,7 prosent í februar mánaði.

Til samanberingar var arbeiðsloysið í mars í fjør 4,9 prosent.

Morgunblaðið skrivar, at myndugleikarnir rokna við, at arbeiðsloysið henda mánaðin minkar enn meira, so tað verður millum 3,2 og 3,4 prosent.

Arbeiðsloysið minkaði í mars kring alt Ísland, uttan á Vestfirðum, har tað vaks.